182. Allerlei Zauber

Der alt Mingli im Fäld ist au ä souä halbä Zauberer gsi; er hat chünnä Muschelä vertribä, boggermint! Und gägä d'Häxä hat er im Chüestall mit Wichtwasser gfochte. D's Bärtsche Wib im Jude-Winggel hat ämoul zuoä üs Chinde gseit, wiä mär ä Trüllwind gsieh hind uff der Strouß Hälmli und Staub uftribe: "Stupfend ämel be Lib und Labe nit dri; er chüntend chrumm und lahm würde!" Im Trüllwind hind d'Häxä tanzet.

Und wümme-n-ä Hagelstei undersuecht, findt me schiär allimoul ä Höürli dri. Das hind d'Häxä dri tua vu dem Hour, wou die usubere Jumpfere nouem Streilä statt in d's Für zum Pfister ussi flügä luh hind.
Albrecht, Erinnerungen.

Quelle: Sagen des Kantons St. Gallen, Jakob Kuoni, St. Gallen 1903, Nr. 182, S. 85f
Für SAGEN.at korrekturgelesen von Irene Bosshard, Juni 2005.