SAGEN.at >> Traditionelle Sagen >> Österreich >> Tirol >> Ötztal

DER TUIFL UND DER BAUR

Amol hot oar mitn Tuifl an Pockt gschloßn um die Seal. Ear göbn de Seal, hot er gsöt der Baur zum Tuifl, wenn arm is Staar Linsat wieder zamat klaub, dös ar übr an Schrofn auslart. Do hot der Tuifl freila gelochet und hot si gedocht, die Linsat wear i bold wieder beinander hobn. Der Baur hot is gonze Star voll übr an Schrofn ausgeschüttet bis af zwoa Kearnlen, die ear hinter den Fingernogl verstöcket hot. Der Tuifl hot es Staar Linsat vold wieder voll gehob und ischt zum Baur kernen darmit und hot gsöt: Do hoschte de Linsat wieder und de Seal gheart mier!" Du host no nit olle!" hot ar gsöt der Baur und hot die zwoa Kearnlen gezoaget hintern den Fingernögeln, mit der Seal ischt nuicht!" und der Tuifl hots verspielt.

Falkner, Christian, Sagen aus dem Ötztal, in: Ötztaler Buch (= Schlern-Schriften 229), Innsbruck 1963, S. 166 f.
aus: Sagen und Geschichten aus den Ötztaler Alpen, Ötztal-Archiv, Innsbruck 1997