DER TEUFELSBRATEN

In'n Dôl 1 hod a Kohl'nbrenna g'haus't, dear enk so keck woar, daß ar si nöd anmôl voar-'n Daif'l 2 g'foarchd'n hod.

Nuon, amôl in da Nôchd is ar just bai sain'n brinnad'n Mala 3 g'sess'n, ols si a duarchdrinjada Koll 4 von da Lufd ôba hôd vanemma lôssa. „Aha, ôfd'n 5 sezt-'s g'wiß a wüld's Gjoad 6 ôh. Glik zua, Mussi 7 Daif'l", ruafd da Vawegni aus. „Vareahrds mar ôb'r ah a Schtuk a Wüldbrad!" - „Sollst as hôn!" woar d'-Ondwoard - und risch 8 is'-s waida gônja.

In da Frua d'raf 9 is ah richdi, voar saina Hidd'n 10 draußt'n, a Wüldbrad g'hengd, dös woar ôb'r an auschiag's 11 Viach und hôd so ôbschali g'schtunka, daß da Kohl'nbrenna aus Graus'n af da Schtöll hôd schtearb'n miassa.

1 - Tal.
2 - Teufel.
3 - bei seinem brennenden Meiler.
4 - Hall, Schrei.
5 - da, dann.
6 - wilde Jagd.
7 - Monsieur = mein Herr!
8 - rasch.
9 - darauf.
10 - Hütte.
11 - schiach = häßlich.

Quelle: Österreichische Volksmärchen, Ziska, Wien 1822